أطل علينا مقدم برنامج الاهلي خط أحمر، والكاتب الشاب الكبير، صاحب الموهبة الكبيرة "محمد فارس ابراهيم". برؤية تحليلية ونظرة فنيه بعد مباراة الأهلي والبنك الاهلي في الاسبوع الثامن من عمر مسابقة الدورى المصري.
وكتب فارس عبر صفحته الشخصية علي فيس بوك.
من امبارح في كل حتة بكتب ان عندي ثقة تامة اننا هنفقد نقاط قدام محمد يوسف . اللي كنت متوقع انه هيلعب بشكل دفاعي zone اكيد هيأثر عليك لو مسجلتش بدري وهنا تيجي سلبية انك تفرط في شوط كامل كل مباراة فلما تيجي تعوض هتلاقي انك بتلاعب فريق راكن الاتوبيس بجد ومش الاتحاد ولا المقاصة ولا اي فريق عنده توازن انما فريق ومدرب مش هيفرق معاه انك تستحوذ ولو بنسبة ٧٨ ٪ في بعض الأوقات ومش هامه شكل الفريق بتاعه فنياً .
قرار اننا نبدأ بوليد سليمان هو خطأ مركب لانك مش بس خسرت الشوط الأول لا كمان اديت محمد شريف وبواليا انطباع اكتر ان مفيش ثقة كاملة فيهم والحتة دي كنت اتوقع ان موسيماني يعالجها نفسيا افضل. والغريب ان الملعب وظروف الاجواء ميساعدوش على لعب الكرة اللي بتناسب فكرة المهاجم الوهمي زي وليد فدي اكتر مباراة كانت محتاجة مهاجم صريح.
فقدنا نقطتين مهمين وفي اخطاء لازم تتعالج خصوصا فكرة الشوط الأول اللي مينفعش نروح بيها كأس العالم والفريق مسجل هدفين بس من اصل ١٦ في الشوط الأول ده هينعكس ان قدام فرق قوية هجوميًا هتبقى بتلعب الشوط التاني للتعويض وتعديل النتيجة فقط فتوزيع الجهد والضغط والشق البدني على ٩٠ دقيقة
.
موسيماني اكتر واحد لازم ميتهزش ويركز هي دي الكورة بتكسب بتاخد الكريديت بتضيع نقاط يبقى كمان لازم تتحمل الضغوط خصوصا ان في اعلام هيتعامل معاك انها مش مباراة وضيعت فيها نقاط لا هيتعامل معاك انها لازم تبقى سلسلة فقد نقاط وده اللي مينفعش يحصل . هنا بقى هتبان شخصية موسيماني انك تنزل الماتش الجي قدام المقاولين وانت متهزتش بنتيجة انهاردة.