كتب الصحفي الاهلاوي "حماده زناتي" عبر صفحته الرسمية علي فيس بوك بعد نهاية لقاء الاهلي والمقاولون العرب. بعض الكلمات عبر بها عن حال وشعور جمهور الاهلي.
جاءت كالآتي.
ثواني نظره علي الاهلي.
اولا وقبل اي حديث.
كل التحية للمدرب العام للأهلي "سامي قمصان" . مافعله اليوم في الشوط الثاني هو شئ يحسب له قبل أن يحسب لموسيماني. تدخلات سامي مع موسيماني صنعت الفارق للأهلي.. سامي ابن الاهلي لديه روح الاهلي ومغامرة الاهلي.
ثانيآ.
طاهر محمد طاهر. محمد شريف. علي معلول.
الثلاثي ده يتحط كده يا موسيماني وبعد كده اي حد يتحط..
الثلاثي ده ما ينفعش يقعد جمبك علي الدكه أبدآ..
شريف وطاهر.. نزلوا صنعوا الفارق بجد. علي مستوى الروح أولآ علي مستوى روح الاهلي ثم الفنيات..
علولو كل يوم بيثبت انه لاعب بشخصية الاهلي.. معلول كان بيدي تعليمات لموسيماني ويقوله يعمل ايه اه والله بجد. وفعلا تعليمات معلول واللعبه الي بيقول عليها تسببت في تسجيل الاهلي.
الشحات.. لازم يقعد دكه لازم لازم لازم.. واشراك حسين الشحات وهو في المستوى ده جريمة في حق الاهلي و اللاعب . وأيضآ علشان حسين نفسه يفوق لازم يقعد دكه بجد.. حسين فنيا مش في المستوى. وأيضآ علي مستوى الروح القتالية ودي الأهم مش موجوده..
"طاهر_محمد_طاهر" لما الكوره بتبقي مع الخصم بيرجع يدافع لحد حارس المرمي ودفاع فعال مش رجوع للخلف وخلاص.طاهر عمل اكثر من اسبرينت دفاعي وكان مؤثر جدا وافسد اكثر من هجمه للمقاولون. ده غير انه بيلعب السهل الممتنع. الهدف الاول لطاهر كان السهل لا بيتفلسف في الكوره ولا بيلف حولين نفسه بيخلص ع طول.
#الاهم.. الأهلي بحاجه لحارس مرمي مع الشناوى. حارس مميز وليس موظف.
#غياب_بدر غياب السلطان لايقل غيابه أهمية عن غياب الشناوى.
#رسالة_لبعض_اللاعبين.لما تقعد دكه في الاهلي وتنزل لازم تصنع الفارق لينا مش علينا. لازم تكون مؤثر لصالح الاهلي وليس ضد الاهلي يا ياسر لاعب الأهلي لازم مستواه يكون ثابت لاعب الأهلي ما بيترقصش من اي حد..
#العدل في التشكيل هو الي بيصنع الإنجاز.
ما حدث اليوم في الشوط الاول. اتمني الا يتكرر مره اخرى. التشكيل يتحط صح التغييرات صح. اللاعب المجتهد يلعب والمقصر يركن علي جمب
كرة القدم #سهلة جدا.. وواضحة جدا. والجمهور شايف مين بيقصر ومين بيقاتل من أجل الاهلي.
كرة القدم تلعب أمام أعين الناس. والتقييم للجمهور أولآ..
#اخيرا.. كرة القدم تلعب بالأداء وليس الأسماء. اعتقد معني العبارة مفهوم للجميع.
#مات_الكلام