شاهد المباريات هنا وتابع الاخبار علي kora9090.com

 
يحدث اليوم
    
كورة مصرية

adip

adest

مباراة الأهلي وبايرن ميونخ في كأس العالم للأندية بعيون أهلاوية


في مباراة الدحيل الأهلي نفذ اغلب الحاجات اللي كان نفسي نطبقها تحديداً الشوط الأول ويمكن لقطة الهدف كانت لقطة متوقعة في التحليل. مواجهة بايرن ميونخ هي اسهل تحليل عشان قوة المنافس هتخليك تتكلم في ثوابت. 


الأهلي لازم يدخل المباراة دي بعقلية فنية مختلفة تماما عن اللي متعود عليها وده لازم يحصل من خلال مجموعة من الأفكار. 


البايرن هيعمل عليك اعلى مستوى من ال high pressing يمكن انت واجهته في تاريخك في مباراة رسمية . الملعب متقسم ل ١٨ مربع ٩ مربعات في كل نص ملعب تقريبا اغلب الوقت هنلعب تحت الكورة بالفريق كامل في اخر ٦ مربعات . البايرن هيستحوذ بنسبة هتوصل من ٦٥ ٪؜  الى ٧٠ ٪؜ طيب ده معناه ايه معناه انك ٣٥ ٪؜ على الاقل من زمن المباراة هتكون لا تمتلك الكرة. وده يا جماعة طبيعي وبيحصل مع اغلب الفرق اللي بيواجها البايرن . 


اهم حاحة متزهقش ايوة متزهقش الأهلي فريق متعود على فكرة الاستحواذ وانه هو اللي بيدور الكرة. دي مباراة الاسلوب المضاد انت بتلعب على حاجتين تقليل عدد مرات وصول الكرة لمرماك وهي مع البايرن او استخلاص الكرة ولعب مرتدة ده ببساطة صدقني اي كلام غير كده هو محاولة الكلام عن اشياء وهمية 


طيب انت مزهقتش وبعدها عرفت وانت بدون كرة هتعمل ايه وانت معاك كرة هتعمل ايه . الخطوة اللي بعدها ايه ؟ . اختيار الادوات اللي تخليك تنفذ ده البداية بطريقة اللعب بما انك مش هتمتلك الكرة وهتحاول اغلب الوقت انها متوصلش لمرماك يبقى محتاج تلعب ٤ ٣ ٣ عشان تقدر تضغط بشكل كويس بعرض الملعب وتقدر تضيق المساحات ويبقى في مساندة للظهيرين دفاعيًا


طيب مين اللي ينفذ الطريقة ؟ . وانت مغمض اكتر ثلاثي ارتكاز عندهم Work Rate عالي واكتر لاعبين عنهم سرعة على الاطراف عشان المرتدة. ايه هو ال Work rate ده . يا سيدي دي القوة والسرعة والمجهود البدني العالي في الضغط والجري والتغطية والارتداد. عشان كده انا بأكد ان أكرم توفيق وديانج لازم يكونوا ٢ من ثلاثي الارتكاز لان دول اعلى Work rate لثنائي ارتكاز في الفريق ومخدش متخيل تأثير اكرم لما نزل قدام الدحيل ممكن يتكتب عنها تحايلات لوحدها. 


يتبقى المرتدات اللي هنلعب عليها خلف الظهيرين بافارد والفونسو ديفيز هنا انت في الثلاثي الامامي اللي غصب عنهم كمان هيكونوا اغلب الوقت تحت الكورة لازم يكون عندهم اعلى مستوى سرعه للارتداد ( الشحات - طاهر - بواليا ) خيارات ممتازة في الجانب ده وكمان البدلاء ليهم زي كهربا وشريف الفوارق مش كبيرة ويقدروا يلعبوا نفس الادوار. 


لو قدرنا نعمل ده هنوصل للي موسيماني قاله للاعبين ان هدفه نفضل لاطول وقت ممكن بدون اهداف في شباكنا لو ده حصل كل دقيقة انت بتعمل فيها ده هتفرق معاك اما لو زهقت من الاستحواذ ولعبت بادوات غلط وطريقة غلط هتنهار فنيا وبدنيا بسرعة جدا .


انتهت حلول الأرض ولتبقى حلول السماء